SSC CGL Exam: एसएससी सीजीएल परीक्षेच्या तारखा जाहीर
आयोगाने जारी केलेल्या अधिसूचनेनुसार, या परीक्षेचा पहिला टियर 19 ते 26 सप्टेंबर दरम्यान होणार आहे.
eduvarta@gmail.com 
एज्यूवार्ता न्यूज नेटवर्क
एसएससी सीजीएल परीक्षा 2024 (SSC CGL Exam) साठी अर्ज केलेल्या उमेदवारांसाठी मोठी बातमी आहे. स्टाफ सिलेक्शन कमिशनने (SSC) विविध केंद्रीय मंत्रालये (Central Ministries), विभाग (Department) आणि संस्थांमध्ये (Institutions) पदवीधर पात्रतेच्या घोषित रिक्त पदांवर थेट भरतीसाठी घेण्यात येणाऱ्या एकत्रित पदवीधर स्तर (CGL) परीक्षा 2024 च्या तारखा जाहीर केल्या आहेत.
स्टाफ सिलेक्शन कमिशनने जारी केलेल्या अधिसूचनेनुसार या परीक्षेचा पहिला टियर 19 ते 26 सप्टेंबर दरम्यान होणार आहे. SSC परीक्षा सुरू होण्याच्या तीन-चार दिवस आधी CGL 2024 टियर 1 साठी प्रवेशपत्र जारी होण्याची शक्यता आहे. त्यामुळे उमेदवारांना आयोगाच्या ssc.gov.in या अधिकृत वेबसाइटवर प्रकाशित केलेल्या माहितीवर लक्ष ठेवावे लागणार आहे.
तर दुसरीकडे, SSC ने CGLE 2024 साठी अर्ज केलेल्या उमेदवारांना त्यांनी पूर्वी सबमिट केलेल्या ऑनलाइन अर्जांमध्ये सुधारणा करण्याची संधी दिली आहे. ज्या उमेदवाराला त्याच्या सादर केलेल्या अर्जात दुरुस्त्या किंवा सुधारणा करायच्या असतील, त्यांना 10 ते 11 ऑगस्ट रात्री 11 वाजेपर्यंत दुरूस्ती विंडोमधून अर्ज दुरूस्ती करता येईल. या तारखेनंतर उमेदवाराला अर्ज दुरुस्तीला संधी दिली जाणार नसल्याचा इशाराही एसएससीने दिला आहे.
